Astereyê futbolî yo ke bi leqebê "El Pibe" yeno şinasnayîş, meşo maçê Amedspor-Îdirsporî de do cayê xo trîbûn de bigîro.
Carlos Valderrama ke tarîxê futbolê dinya de yew fîguro tewr îkonîk o, camîaya Amedsporî de coşêko pîl viraşt. Valderrama, eynî wext de vistewreyê Daniel Moreno yo.
Efsaneyê Kolombiyayij, mucadeleyê krîtîkî ke do emşo saete 19.00 de Stadyumê Amedî de bêro kaykerdene, trîbûna şerefi ra teqîb bikero.
Zîyaretê antrenmanî
Nameyo efsanewî verê maçî antrenmanê Amedsporî zî zîyaret kerd. Valderrama, heyetê teknîkî û futbolbazan reyde ame têhet û moral da înan.
Valderrama bi porê xo yê kejî yê girsî û aqilê xo yê kayî hafizayan de cayo xorin girewto. Zîyaretê ey yê Amedî, mîyanê tereftaran de zî bi eleqeyêko pîl ame pêşwazîkerdiş.