Fabrîkaya Nanê Şarî ke hetê Şaredarîya Amedî ra goreyê fehmê şaredarîya komelkî virazîyaya, abîye. Akerdişî de Hemşaredarî Serra Bucak û Dogan Hatunî ra teber, hemserekê şaredarîyanê qezayan, hemserekê bajarî yê DEM Partî û DBP'yî, temsîlkarê rêxistinanê komelê sîvîlî û zaf hemwelatî beşdar bîyî.
Fabrîka ke qezaya Baglarî Taxa Baxcilaran de ame awankerdene, pê kapasîteya berhemardişê 100 hezar nanan ê rojaneyî do biba tesîsanê berhemardişî yê tewr muhîman ê Amedî ra yew. Nanê ke yenê berhemardene, do 43 bufeyanê Nanê Şarî de ke cayanê cîya-cîyayan ê bajarî de ameyî awankerdene, bi vayîya munasibe biroşîyê.
