Bi hemkarîya Serekîya Daîreya Kultur, Huner û Karanê Komelkîyan û Torra Taqîbkerdiş, Belgekerdiş û Raporkerdişê Heqanê Ziwanî (DHÎBRA), çarçewaya 21ê Sibate Roja Ziwanê Dayîke ya Dinya de nameyê Baxçeyê Gulan a qezaya Baglarî vurîya bî "Gulîstanê Ziwanan".
Parke de seba temsîlkerdişê 10 ziwananê ke binê tehlûkeya vindîbîyayîşî de yê , kuçeyî ameyî viraştene û her kuçe ra tabelayê ke çekuyê bi ziwanê têkilîdarî tede yê, ameyî ronayene.
Ê kuçeyan ra yew zî kuçeyê Zazakî yo.
Hemşaredar Dogan Hatunî merasîmî de qisey kerd, dîyar kerd ke ganî seba pawitişê ziwanan berpirsîyarîye bêro girewtene û îfade kerd ke zafziwanîye dewlemendîya kulturî ya.
