Enwer Yılmaz /Darahênî
Bi ameyîşê wisarî welatê ma de tewir bi tewr vaşî/nebatî û tarûtûrî zî vejîyayê. Nebatî û vaşî ke sey yew dîyarîya tebîetî yê, hetê şarê ma ra sey şîfa yeno vînayîş û her yew zî tewir bi tewr yeno hadrekerdiş û pewtiş.
Helige zî înan ra yew a û nika tem zî wextê Heligan o. Verînanê ma hem vaş û nebatî şinasnêne hem zî zanêne ke kamcî vaş, nebat û tarûtûr çi nêweşî ra baş yenê, derman ê. Nika neslo newe nê taran, vaşan û nebatan nêşinasneno.
La qezaya Çolîgî Darahênî de hem verînê ma hem zî neslo newe nê vaş-taran şinanenê.
Wexto ke verê nê dezgeyî ra vîyarenê vanê “haa Helige” nameyê ci yo bîn zî Gulik o. hem sey tar hem bi goşt hem zî pê ci şorbaye virazîyena.
Êdî kam senî hes keno wîna pewjeno û weno.
Ömer Saçlı Darahênî de dezgeyê xo pê Heligan xemilnayo û merdim dûrê dezgeyî ra boya ke yena zincîya merdimî zano ke na boye, boya Heligan a.
Ömer Saçlı demê wesarî û payîzî de koyanê Darahênî yê bereketinan ra vaş, tar û nebatanê ke êdî mîyanê kulturê werdê ma Zazayan de ca girewtê ano sûke û roşeno.
O hem debara xo keno hem zî nê tar û turan dano şinasnayîş ma rê.
