ZAZAKÎ NEWS - Qeza, şan saete 20.00 de, dewa Sûrekî de amey meydan. Goreyê agahîyan, wesayîto ke Keklîkdere ra şîyêne Darahênî, nêzdîyê dewa Sûrekî de kontrol ra vejîya.
5 kesî birîndar bîyî
Dîma ke xeber amey wesnayîş, ekîbê weşîye ameyî cayê qeza. Mîyanê wesayîtî de 5 kesî birîndar bîyî. Birîndarî bi ambulansan wedarîyayî Nêweşxanê Dewlete yê Darahênî.
2 birîndarî şawîyayî Çewlîg
Nêweşxanê Darahênî de, 2 kesê ke rewşa weşîya înan giran a, seba tedawîya hîna hîra ameyî şawitiş Nêweşxanê Dewlete yê Çewlîgî.
Ekîbanê cendermeyan derheqê hadîseyî de cigêrayîşêko hîra da dest pêkerdiş.
