ZAZAKÎ NEWS- Amed de mabênê zabitayan û rotoxanê kuçeyan (seyarroşan) de têkewtişêko pîl qewimîya.
Semtê Berê Koyî, zabitayan waşt dezgehanê meyweyan ê ke kişta peyarayîr de bîy wedarê; nê ser o pêrodayîş vejîya. Rotoxanê kuçeyan waşt ke verê zabitayan bigîrê û dezgehanê xo bipawê. Wexto ke zabitayan dezgehî bar kerdêne kamyonetan, meyweyî rişiyay rayîrî ser.
Vera dezgehronayoxan gaza bîberî xebitnaye
Verê aşma Remezanî, na kerdena şaredarî û hereketê tayê zabitayan raştê hêrsê şarî ame.
Rotoxan zî seba protestokerdişî sindoqê meyweyan eştî cadeyê trafîkî. Hem gaza bîberî ya zabitayan hem zî rişîyayîşê meyweyan wextê barkerdîşî de, bi sebebê razînêbîyayîşêko pîl. Tayê cinîyê ke merdimê rotoxan bîy, ameyî cayê hedîseyî û reaksîyon nîşanê zabita û Şaredarîye da.
"Verê Remezanî ma rê zilm kerd"
Cinîyêke va, "Verê aşma Remezanî no kerdişê zabitayan zilm o. Înan ma rê zilm kerd."
Dima ke zabitayî şîy, rotoxan meyweyî eştî rayîran ser û vatî: "Hêzê înan tena ma rê pare keno."
