ZAZAKÎ NEWS - Kovara Bizot, ke sey platformêke newe ya kulturî, hunerî û edebî ameya ronayene, adare ya 2026an de hûmara xo ya dîyine resna destê heskerdoxanê kurdkî. Kovare hîrê mengan ra yew, yanî her demsere de vecêna û her hûmare de cayê deyêno nuşteyanê edebî, hunerî û rexneyî.
Dosyaya Dîyine: Hunermend Mehmet Atli
Hûmara dîyine ya Bizotî de dosyaya sereke serê hunermendo namdar Mehmet Atli ameya amadekerdene. Kovare de pêvînayîşêko (roportaj) hîra birêz Mehmet Atli reyde ameyo kerdene. Reyna zafanê nuştoxan serê berhem û hunermendîya ey bi kurmanckî û kirdkî nuşteyî amade kerdê. Bergê kovare zî bi rismê Mehmet Atli û bi sernameyê "Bi serran o ez vengê xo dima şona" bal onceno. Wina zî mîyanê kovare de şaîro rehmetî Ehmed Huseynî û nûstoxo rehmetî M. Emin Bozarslan ameyê vîranerdene.
Kurmanckî û Kirdkî Pîya
Taybetmendîya tewr muhîme ya Bizotî na ya ke, kovar ca dana her di lehçeyanê kurdkî (kurmanckî û kirdkî). Kovare de:
- Şîîre û Hîkaye
- Pêvînayîş û Cigêrayîş
- Nuşteyê Rexneyî û Teorîkî
bi her di lehçeyan de zî estê. Naye dewlemendîyêka kovare nîşan dana.
