Çarçeweya protokolo ke mabênê Şaredarîya Bajarê Girdî ya Amedî û Otobusanê Şarî yê Taybetan yê Öz Diyarbakırî û Kooperatîfê Kiriştişê Raywananê Rayîrê Bejî yê Zereyê Bajarî yê Otobusanê Şarî yê Taybetan yê Hûmara SS 53yî de ame îmzakerdene de, otobusanê şarî yê taybetan de derbazê sîstemê pê kartî beno. 1ê hezîrane ra tepîya otobusanê şarî yê taybetan de pereyê nakît nêno qebulkerdene û heqê raywanîye do serê sîstemê arêdayîşê heqan yê elektronîkî ra bêro dayene.
Seba ke derbazbîyayîşê sîstemê bi kartî asan û bêqesewet bîyaro ca, seranserê şaristanî de gelek noqtayan de Cîhazê Pirkerdişê Kartan (Diyarkart Dolum Cihazları - Kiosk) ameyî ronayene.
Serekîya Daîreya Resayîşî ya Şaredarîya Bajarê Girdî ya Amedî, do goreyê îhtîyacîyan xebatanê ronayîşê cîhazanê pirkerdişê kartan bidomna.
Serekîye na çarçewe de ard vîrî ke do 1ê hezîrane ra tepîya otobusanê şarî yê taybetan de pereyî do nêro qebulkerdene. Serekîye venga hemwelatîyan (şarî) da ke wa herkes kartê xo yê resayîşî bixo peyda bikê.
