ZAZAKÎ NEWS - Amed de polîsan mudaxeleyê çalakîyanê ke seba wayîrvejîyayîşê Rojavayê Kurdîstanî ameybî viraştene, kerd. Mudaxele de zaf kesî ameyî derbkerdiş û tepiştiş
Amed de koma ke mîyanê ci de parlamenterê Partîya DEMî û hemserekê şaredarîyan zî estbîy, waşt ke hêrişanê Şamî yê vera Rojava protesto bikero.
Grûba ke tede seyan kesî estbî, seba ke ver bi Meydanê Şêx Seîdî rayra şêro, Parka Koşuyoluyî de amey pêser.
Amed de polîsan midaxeleyê wayîrvejyayîşê Rojavayê Kurdistanî kerd. Protestoyan de zaf kesî ameyî tepiştiş û derbkerdiş. pic.twitter.com/2NK0fMFPdt
— Zazakî News (@zazaki_news) January 19, 2026
Dima ke pêvînayîşê bi polîsan reyde bênetîce mendî, grûbe waşt ke barîkatanê polîsan ra bivîyaro.
Polîsan tîya de bi gazê bîberî mudaxele kerd. Semedê gazî, tayê çalakgeran hişê xo vîndî kerd.
