Avaşîn Yılmaz
Amed de 2 hunermendê Çewlîgî sehne girewtî û konser de deyîrê Zazakî û Kurmanckî ameyî vatiş. Konser mîyanê Sûrî de cayê Hewş de ame dayîş. Heskerdoxê Zazakî ameyî konser û hunermendî tena nêverday.
Mucahît Gokerî konserî ra ver Zazakî Newsî rê qisey kerd û va: “Ez Hîvda ma cîya-cîya bajaran de manenî. No hamnan ma welat de pîya mendî demêk. Ma va no payîz wina çend konsêranê qijkekan bid. Ma qerar da ke Amed û Çewlîg de konseran bide. Eke ma na proje ra tehm girewt ma wazenê na xebata xo hîna aver bere, konseranê hîna hîrayan bide. Xora Hîvada karê xo de baş a. Mi zî par albuma xo ya newî wenik vetbî. Mi va hem aye ra hem albuma mi a peyîne ra hem zî ma çend deyîran pîya sey duet vaje. Xora înan ra yew zî deyîra Awka Kaşun a. “
Konser de Hîvda-Mucahît Gokerî çend deyîrî pîya vatî înan ra yew zî Awkê Kaşun bî. Înan na deyîrê bi performansêko zaf weş va û meymanî tira zaf qayîl bîyî.
Mucahît û Hîvda Goker emşo zî (26ê êlule) Çewlîg de konser danê.
