Sendîqayê Perwerdeyî ewro çar hetê Tirkîya û Herême nêşîyê wendegehan û semedê şîdeto ke vera Mamosteyan beno protesto bikerê protestoyan kenê.
Ewro sere de Amed zaf cayanê herême de hezaran mamoste û endamê sendîqayanê bînanmeydanan de yê.
Amed de zî seyan endamê Sendîqayan Semtê Dîclekentî, Parka Rojava de ameyî têhetû şîdet û hêrişê ke mamosteyan rê benê şermezar kerdî.
Demê peyênî de neweşxaneyan ra pey mekteban de zî vera mamosteyan hêrişî zêdîyayî.
Sendîqayê Perwerdeyî (Egîtîm-Sen) aşkere kerd ke, her hewte her şaristanî ra xebera wînasî serebûtan yena û vera mamosteyan hîrîşî zêde bîyê.
Beyanat de wîna vajîya:
Hewteyê verî lîseya Dîyarbekirî Alî Emîrî de yew wendekar mudîrê xo pê kardî darb kerd. No hewte qazayê Mardînî, Qoser de zî yew wendekaro ke mektebe ra ameya durîkerdene pê çek verê berî mektebî de vîndert û waşt ke şêra zereyê mektebî. Îstanbulî de zî yew mudîrê mektebî (Îbrahîm Oktugan, 74 serre ) hete wendekarêkî ra pê çek ame qetilkerdiş. Ma zanê ke eke ma mamosteyî xover ro nêdayê nê çîyî yê xîrabî qet nevîndene.
Xebere: Mehmê Hesenî Xîrabayîj
