Qeyûmê Şaredarîya Yenîşehîrî ya Amedî semedê rotişê taxa Fabrîka reya hîrêyîne îhale akerd. Şubeyê Amedî yê TMMOByî pare kerd ke qeyûm semedo ke taxe pêşkeşê tay kesan bikero îna keno. Par zî qeyûm kerdbi ke taxe biroşo la nêrazîbîyayîşan ser o îhale amebî betalkerdiş.
Heyetê Koordînasyonê Şaristanî yê Yewîya Odayanê Mîmar û Muhendîsan (TMMOB) ê Amedî derheqê mesela de beyanatêk da. Beyanat de ame vîrvistiş ke qeyûmî verê cû di reyî waştbî ke taxe biroşo la nêrazbîyayîşan ser o nêeşkayo. Eşkerayîye de ame parekerdene ke îlanê îhale de bêusûlîyî zaf ê. Ame vatene ke rixmo ke vaya pêro erazîyan zaf zêdîyaya qeyûmî bedelê taxe nême ra kêmînaya û no zî beno sebebê şikî.
TMMOByî pare kerd ke qeyûm seba ke taxe pêşkeşê tay kesan bikero her rayîr a gêreno û rantgîrî zî biçimvêşanî pêro bêusûlîyan kenê. TMMOByî vat: ''Na kerdana qeyûmî hemwelatîyan mexdûr kena.''
