ZAZAKÎ NEWS - Qezaya Çewlîgî Darahênî de, garajê verên yê îtfaîyeyî ke mulkîyetê Beledîya Darahênî de bi, bi îhaleya akerde bi qîymetê 65 mîlyon TL ame rotiş.
Ame zanayîş ke şîrketo ke îhale girewto do beledîye rê yew otomobîl zî dîyarî bikero.
Garajê verênî yê îtfaîyeyî yê 1.970 metrekare ke îdîa beno, seba ke hînî cewab nêdêne ihtîyacan ame rotiş. 3 şîrketî ke pîya kewtê îhale înan ra yewêk qezenc kerd.
Şîrketê Genç Berat Înşaat-Aslı Grupî bi qîymetê 65 mîlyon TL tewr berz teklif da û îhale girewt. Şîrket do yew erebaya 3 serreyî zî Beledîya Darahênî rê dîyarî bikero.
