ZAZAKÎ NEWS - Weşanxaneyê Vateyî, kitabê cigêrayîşî yo bi nameyê 'Fonolojîya Zazakî' vet. Nuştoxê kitabî, akademîsyenê Unîversîteya Artukluyî Ahmet Kîrkan o.
Ahmet Kirkan, berhemê xo de fekanê Zazakî yê Çewlîg, Dêrsim û Sêwregî ser o xebatêka fonetîke kerda.
Ancî, Kirkanî venganê Kurmanckî, Zazakî, Sorankî û Hewramkî ser o zî xebatêka muqayeseyî viraşta û nê vengî goreyê zanistê fonetîkî îzah kerdê.
Ahmet Kirkan kam o?
Ahmet Kirkan nika Unîversîteya Artuklu ya Mêrdînî de, Beşê Ziwan û Edebîyatê Kurdkî de akademîsyen o.
Berhemê ey:
Destpêka Edebîyatê Klasîk û Zazakî û Bîyîşa Osman Efendî
Rêzimana Kurdî
Zazakî û Malmîsanijî ser o meqaleyî
Teberê nê kitaban ra, xeylê meqaleyê ey ê derheqê ziwanzanistî û edebîyatê klasîkî yê Kurdkî de, xeylê kovaran û keyepelanê akademîkan de weşanîyayê.
