Çewlîg de, yew cinîya ke otomobîl da piro, wefat kerd. Hedîse, Çatrayîrê Nêweşxaneyî de ame meydan.
Otomobîlo bi plakaya 12 ACE 654 ke binê îdareyê A.B.yî (52) de bi, Mehelaya Sarayî de Çatrayîrê Nêweşxaneyî de da K.K.ya (65) ro.
Bi xeberdayîşî ser o, herême rê ekîbê Weşîye yê Lezabezî yê 112î û polîsî ameyî şawitiş.
Cinîya ke bi ambûlansî wedarîya Nêweşxaneyê Dewlete yê Çewlîgî, pa heme mudaxeleyan nêamey xelisnayîş û wefat kerde.
Şofêr hetê ekîbanê polîsan ra ame tepiştiş.
