Taximê Beşiktaşî yê U17î ame Dêrsim û Dêrsimsporî reyde maçê dostanî viraşt.
Eynî wext de, Serekê Beşiktaşî Serdal Adalî, Stadyumê Tüpraşî de meqamê xo de Walî Şefîk Aygöl meyman kerd. Na zîyaret de Sereko Dîyîn Hakan Daltaban û Sekreterê Pêroyî Uğur Fora zî amade bîyî. Serek Adalî, peynîya zîyaretî de Walî Aygölî rê formayêka Beşiktaşî ke nameyê ey ser de nuşte bi, dîyarî kerde.
Programê taximê Beşiktaşî yê U17î yê Dêrsimî, Kela Pertekî de pêvînayîşê ciwanan reyde dest pêkerd û bi zîyaretê Lîseya Anadolîye û panelo ke Kitabxaneyê Huseyîn Guntaşî de virazîya, dewam kerd.
Taximî, nê panelî de cewab da persanê wendekaranê Lîseya Sporî û penelî ra dima Stadyumê Ataturkî de seba maçê birayîye ame kaykerdiş.
Walî Şefîk Aygöl, cinîya ey Nazlî Aygöl, Rektorê Unîversîteya Munzurî Kenan Peker, Qomutanê Cendermeyanê Bajarî Tuğgeneral Bulent Baykal, Midurê Emnîyetî Kazim Gunay Demîralay, temsîlkarê STKyan û xeylê welatî maç temaşe kerd.
Dêrsimsporî maçê dostanî de vera Beşiktaş U17î qezenc kerd.
