Hunermendê Dîyarbekirîjî Mahsun Kırmızıgülî, cewab da sûcdarîyanê "nijadperestîye" ke parekerdişanê ey ê medyaya sosyale ra dima vera ey ameybî kerdiş.
Mahsun Kırmızıgülî, eşkerayîya xo ya derheqê hedîseyanê Rojîne, Narîne û Mattia Ahmet Minguzzi de, cewab da îdîayanê nijadperestîye û va: "Key ke yew gede mireno, manaya qet yew etîketî nêmanena."
Kırmızıgülî, eşkerayîya xo de bale ante cuya merdiman ser û nê îfadeyî şuxulnayî: "Key ke yew gede mireno, ez nêewnîyena ziwan, dîn û rengê ey; o yew gedo yo û zerrîya mi perçe bena."
Kırmızıgülî, eşkerayîya xo de nê çîyî vatî:
“Ê ke mi bi nijadperestîye sûcdar kenê estê; la wa bizanê ke çîyo ke mi heyatê xo de tewr zaf ey ra nefret kerdo, nijadperestî bîye. Mi merdimî ra, nasnameyê ey çi beno wa bibo, seba ke merdim o, ey ra hes kerd û ez do wina bimana. Key ke yew gede mireno, manaya qet yew etîketî nêmanena. Ez nêewnîyena ziwan, dîn û rengê ey; o/a yew gede yo/a û zerrîya mi perçe bena. Ez nêewnîyena ke kamî kiştox o zî; nijad, dîn, ziwanê ey çi beno wa bibo, qatil qatil o. Weqeyanê Rojîne û Narîne de failî bellî nêbîyî; coka ma nuşt, ma edalet waşt. La qatilê Mattia Ahmet Minguzzi bewlî yo.”
