ZAZAKÎ NEWS - Amedspor, stoper Oleksandr Syrota, Dynamo Kyîvî ra bi opsîyonê herînayîşî heta peynîya sezonî kîra kerd; hetê bînî ra kaykerdoxê baskê çepî Zdravko Minchev Dimitrov zî Bodrumsporî ra transfer kerd.
Beyanatê Amedsporî de wîna ame vatiş:
Kulûbê ma, stoper Oleksandr Syrota, bi şertê opsîyonê erînayîşî Dynamo Kyîvî ra heta peynîya sezonî kîra kerd.
Kaykerdoxê baskê çepî yo bi nameyê Zdravko Minchev Dimitrov zî Bodrumsporî ra ame transferkerdiş. Kaykerdoxî reyde semedê 1,5 serre pîyameyîş ame îmzakerdiş; Pêameyîşo ke ameyo kerdiş de, opsîyonê dergkerdişê pîyameyîşî zî semedê sezonêk esto.
Ma Oleksandr Syrota û Zdravko Minchev Dimitrovî rê binê formaya Amedsporî de serkewtiş wazenê û ma hêvî kenê ke nê her di transferî zî semedê kulûbê ma xeyrîn bê.