Amedspor, badê mîyandayîşê lige, seba xurtkerdişê kadroyê xo dest bi transferan kerd. Taximê 'Kesk û Sûre', taximanê Sûper Lîge ra Kocaelisporî ra stoper Tarkan Serbestî reyde pêkerd.
Kontrolê weşîye ame kerdene
Futbolbazo tecrubeyin o 31 serre Serbest, seba îmzaeştişî ame Dîyarbekir û vizêr kontrolê ci yê weşîye ame kerdene. Badê temambîyayîşê kontrolanê weşîye, Serbestî ewro bînaya klûbî de bi merasîm îmza eşt û bi hawayêko fermî bi futbolbazê Amedsporî.
Merasîm virazîya
MerasîmÊ îmzaeştişî de Tarkan Serbestî ra teber, As Sereka Klûbê Amedsporî Şeyda Aslantaş û endamê heyetê rayberdişî zî hadre bîy.
Amedspor badê cû derheqê transferi de yew beyanat da û wîna va:
Kulûbê ma, futbolbazo profesyonel Tarkan Serbest o ke tewr peynî Lîga Superî de formaya Kocaelîspor A.Ş. dabi xo ra, ey reyde seba dewreyê diyinî yê sezonê 2025-2026î û seba sezonê 2026-2027î, yew pîyameyîşê 1,5 serrîye îmza kerda.
Transferê ma yo ke transfero verên ê sezonê transferî yê zimistanî yo, ma hêvî kenê ke wa seba kulûbê ma, seba kaykerdoxanê ma û seba camîaya ma xeyrên bo. Ma kaykerdoxê xo yo ke do pê formaya ma mucadele bikero rê, serkewtiş wazenê.