Biberê Çêrmûgî yo ke bi aroma, boye û tamê xo biberanê bînan ra cîya yo, merkezê qeza û dewanê dormeleyî de yeno resnayîş. Biberê Çêrmûgî yo ke serra 2021î de sey nîşanê cografîkî amebi tescîlkerdiş, 81 bajaranê Tirkîya û teberê welatî ra eleqeyêko weş vîneno.
Mehmet Turano ke mahlaya Kaleyî de baxçeyê xo de biberê Çêrmûgî resneno, da zanayîş ke biberê Çêrmûgî bi boye, tam û aromayê xo zaf cîya yo û ten Çêrmûg de reseno. Turanî va ke emser bereket zaf o û da zanayîş ke ê tewr verî biberê Çêrmûgî bi 450 lîra ra rotêne, la dima ke biberî zaf bîyî, fîyat kewt 60-80 lîra.
Ayşe Turana ke seba resnayîşê biberî paştî dana keyeyê xo zî va: "Ez seba resnayîşê biberê Çêrmûgî paştî dana keyeyê xo. Biberê Çêrmûgî bi boye, tam û aromayê xo ra biberêko zaf cîya yo."