Parka Şaristanî ya Mezopotamya de ke Şaredarîya a Şaristanê Girdî qezaya Kayapinarî de warêko 211 hezar û 656 metrekareyî de virazena, awanîya xame ya viraştişê banan û xebatê pirkerdişê herra xame temam bîyî.
Îmalatê binawanîya elektrîkî û sîstemanê awedayîşî zî goreyê bernameyê karî dewam kenê. Eynî wextî de xebatanê viraştişî yê pêroyîyan reyde, Mudirîya Pêroyî ya DÎSKÎ zî binawanîya kanalîzasyon û awa varanî ya warî awan kena. DÎSKÎ, çarçewaya binawanîya parke de 900 metre xeta kanalîzasyonî û hezar û 620 metre xeta awa varanî virazena. Heta nika xeta kanalîzasyonî ya 120 metreyî temam bîye; yeno amanckerdiş ke xebatî 10ê tebaxe de biqedîyê.
