Goreyê xeberanê ke bianetî rojnameyanê herêmî û neteweyî, sîteyanê xeberan û ajansan ra arê kerdî; camêrdan aşma gulane de tewr kêm 14 cinîyî û di tutî kiştî.
Camêrdan gulane de tewr kêm 46 cinîyî birîndar kerdî, tewr kêm 13 kênekî û lajekî îstîsmar kerdî û 18 cinîyî tacîz kerdî. Camêrdan 106 cinîyî mecburê karê seksî kerdî.
Gulane de mergê 43 cinîyan û hewt tutan sey “gumandar” qeyd bi.
Camêrdan gulane de tewr kêm 14 cinîyî kiştî; par eynî aşme de na hûmare 26 bi.
Camêrdan 10 cinîyî bi sîlah, hîrê cinîyî bi kardî kiştî. Camêrdan cinîyêke zî bi darpkerdiş kişte.
Camêrdan aşma gulana 2026î de tewr kêm di domanî kiştî. Par na hûmare yew bi.
Pîyê domanêk mîyanê keye de o xeniqna û kişt.
Gulane de camêrdan tewr kêm 18 cinîyî tacîz kerdî.
Gulane de camêrdan tecawuzê di cinîyan kerd.
