Dîyarbekir de polîsan eşt kafeya ke heme xizmetê xo bi Kurdkî dayêne ser.
Goreyo ke ame zanayîş, polîsan şefeqê sibayî de eşto keyeyê wayîrê Kafeya Pîne Ramazan Şîmşekî ser.
Pîne Kafe, semedo ke eleqe bianco polîtîkayanê asîmîlasyonî ser, menuyê werdî yê muşderîyan kerdbî Kurdî û heme xizmetê xo tenya bi Kurdî dayêne. Xebatkarê kafe muşderîyanê xo dir zî Kurdkî qisey kerdêne.
Naye ra mîyanê Kurdanê Dîyarbekirî de raştê eleqeyêko weş amebi û zaf kesî semedê hetkarîya Kafe Pîne şîyêne uca.
Labelê naye ra dewlete aciz bîya û polîsan şefeqê serê sibayî eşto keyeyê wayîrê kafe ser û o berdo qereqol.
Hetê bînî polîsan bi bahaneyê "gerre esto" kafe zî qefilnayo.
Tay kesî ke Kurdkî ra aciz ê û dişmenê ziwanê şarê Dîyarbekirî yê Kafe Pîne gerre kerdê û şîyê polîsan ra vatê "uca de Tirkî yesax o"
Naye ser polîsan pê gerreyê ê dişmenanê Kurdkî Kafe qefilna û wayîrê ey berd qereqol.
