Egîtîm-Senî yê Amedî semedê domanan kayêk hadre kerd û kay do 1ê na aşme de bêro kaykerdiş.
Sendîqaya Perwerdeyî ya Egîtîm-Senî ya Amedî aşkere kerd ke rojê Şeme (1ê Hazîrane ) do kayo Zazakî yo bi nameyê "Vewremerdim" bido kaykerdene. Sendîqa na aktîvîte çarçiwaya çalakîyan 15ê Gulane Roşanê Ziwanê Kurdî virazo.
Eğitim-Senê Amedî demê Rojanê Ziwanê Kurdî 3 hebî panelê edebiyatî yê kurmanckî (Pasurî ,Erxanî yew zi Amed de) viraştbi. Dima yew dersêk şarî rê akerde Parka 75î de amede kerdibi.
Eğitim-Sen va ke; " Na roja Şeme ya ke yena Kayê Domanan (gedeyan) o Bimuzîk bi nameyê VEWREMERDIM est o. Ma pabeyê tutanê xo yê. Ma veng bi maye û pîyan danê: gedeyanê xo bîyarê, gedeyî wa bi ziwanê xo tîyatro temaşe bikerê."
Eğitim-Senê Amedî semedê nê kayî (Vewremerdim) keyeyan ra waşt wa tutanê xo bîyarê temaşeyê kayî.
Roj: 1ê Hezîrane
Saete: 15.00
Ca: Çand Amed (Kongre Merkezî)
Kûnyeyê Kayî
Nameyê kayî: VEWREMERDİM
Ziwanê ci: Zazakî
Demê kayî: 35 Daqa
Nuştox & Derhêner: Veysel Aslan
Kaybazî: Leyla Deveci, Veysel Aslan
Müzik: Serhat Varlı
Çarnayox: Esat Şanlı
Şewirmendê Pedagojî: GÖKHAN GÜLSEN
Xebere: Mehmê Hesenî Xirabayij
