ZAZAKÎ NEWS - Rayîrê Çewlîg-Xarpêtî ser o, otomobîlêk û wesayîtêkê tîcarî yo sivik qeza kerd. Qeza de 2 kesî merdî, 2yê ci giran, 3 kesî birîndar bîyî.
Qeza, mevkîya Kurudere ya rayîrê Çewlîg-Xarpêtî ser de amey meydan. Wesayîtê ke şofêrê înan nêameyê zanayîş qeza kerd.
Serê îxbarî, ekîbê weşîye, polîs, îtfaîye û AFADî şawîyay cayê hedîseyî.
Birîndarî, bi ambûlansan wedarîyay Nêweşxaneyê Dewlete yê Çewlîgî. Cenazeya 2 kesan zî wedarîya morg.
Derheqê qezayî de tehqîqat ame dest pêkerdene.
