ZAZAKÎ NEWS - Amedspor o ke do hefteya 21. ya Lîga 1. ya TFFyî de, roja Yewşemeyî deplasman de Erziromsporî reyde kay bikero, seba rayîrwanîya maçî roja Şemeyî bi rayîrê bejayî ver bi Erziromî keweno rayîr. Qafile do Amed ra vejîyo û qezaya Çewlîgî Kanîreş ra bivîyaro.
Terefdaranê Amedsporî yê Kanîreşî, seba ke verê deplasmanî moral bidê taximê xo, hazirîya xo temam kerdî.
Terefdarî, do roja Şemeyî saete 13.30 de Meydanê Dortyolî yê Kanîreşî de bêrê pêser û bi alayan û tezahuratan şêrê otobusa Amedsporî vera.
Bi no paştîdayîşê verê deplasmanî, terefdarê Kanîreşijî wazenê ke rayîrê Erziromî de moral û motîvasyon bidê Amedsporî. Pawîyêno ke wextê vîyartişê otobusa taximî de dîmenê bi coşî bivejîyê meydan.