Maçê Amedspor-Seriksporî cinîyan rê bêpere yo

ZAZAKÎ NEWS- Amedspor o ke Lîga 1. ya Trendyolî de mucadele keno, do 7ê Adare roja Şemeyî keyeyê xo de Seriksporî bikero mêman. Eşkerayîya ke hetê Amedsporî ra ameya dayîş de, ame vatiş ke maç terefdaranê cinîyan rê do bêpere bo.

Eşkerayîye de derheqê şertanê maçî de wina ame vatene:

“Gere seba terefdar endamîya înan a Passolîgî bibo û heta şanê Panşemeyî numreyanê xo yê nasnameyî biresnê merkezanê cinîyan ê Şaredarîya Pîle ya Amedî û şaredarîyanê qezayanê Sûr, Yenîşehîr, Rezan (Baxlar) û Peyas (Kayapınar).

Terefdarê ke endamîya înan a Passolîgî çin a zî, eşkenê serê înternetî ra bi rehetî endamîye virazê.”