ZAZAKÎ NEWS - Qezaya Şirnexî Silopî de, cinîya ciwane Gulîzar Yildiz (29 serre), ya ke yew loqanta de gurîyêne, hetê embazê xo yê karî yê bi nameyê Remzî ra amey kiştiş.
Hedîse, nêzdîyê saete 19:00 de ame meydan. Goreyê agahîyanê ke ameyê girewteiş, mabênê Yildize û karkerê camêrdî de yew munaqeşe vejiya û şexso bi nameyê Remzî bi kardî da Yildize ro.
Yildiza ke giran birîndar bîbî, erşawîya Nêweşxaneyê Dewlete yê Silopî, la pa pêro mudaxeleyan zî wefat kerde.
Cenazeya aye, seba ke otopsîya ci bêro kerdiş, şawîya morgê nêweşxaneyî.
Ame vatiş ke, qatil Remzî zî tepişîyayo.