ZAZAKÎ NEWS - Buroyê rojnameyê Evrenselî yê Îzmîrî ser o hêrişêko çekdarî ame kerdiş. Hediseyo ke şan qewimîya de, kes birîndar nêbi, la zerar resayo awanîye. Derheqê hêrişî de yew kes ame destbendkerdiş.
Hêriş, şan saete derdorê 01:30 de, awanîya rojnameyî ya ke qezaya Konakî ya Îzmîrî de ya, ser o ame viraştene.
Hêriş wextanê sibayî de ame ferqkerdiş û tesbît bi ke tabelaya awanîye ser o 7 quleyî guleyan estê.
Dima ke hêriş bi, yew keso bi nameyê Îbrahîm Halîl Yapici ame destbendkerdiş.
Temsîlkarê rojnameyê Evrenselî yê Îzmîrî Ozer Akdemîr şi emnîyet, îfade da û hêrişkaran rê bi gerrekar.
