ZAZAKÎ NEWS- Transfero newe yê Amedsporî, forveto Senegalî Mbaye Diagne, ewro bi merasîmO ke virazîya, fermî bi futbolbazê Amedsporî. Diagne, dima ke îmzaya xo eşte, eşkera kerd ke hedefê ey seba nê sezonî Amedspor de en kemî 25 golî yê.
Amedspor ke Lîga 1. ya TFFyî kay keno, fıtbolbaz Mbaye Diagneyo ke hewteyê yewinî yê sezonî de transfer kerdbi, ey reyde AmedStore de peymane îmza kerd. Diagneyî, merasîmê îmzaye de hedefê xo yê Amedsporî zî pare kerd.
Verî forma, dima imza
Verê merasîmî, formayê ke kiftê înan ser o "Mbaye Diagne" nuşîyayo, hetê îdareyê Amedsporî ra AmedStore de seba rotişî ameyî rafînayîş.
Diagne ke Amedsporî reyde seba 2 serran peymane îmza kerde, bi cinîye û tutanê xo reyde tewrê merasîmî bi. Dima ke merasîmo ke terefgîran eleqeyêko pîl mojna ey, qedîya, Diagneyî îşaretê serkewtişî kerd û va: "Her Bijî Amedspor!"
