İmran Deniz Göktaş serra 1994î de qezaya Mamakî ya Anqara de dadîya xo ra bîyo. Göktaşo ke Unîversîteya Teknîkî ya Rojhelatê Mîyanênî (ODTÜ) Beşê Psîkolojî ra mezun bîyo, dima ra warê sînema de dest bi masterî kerd. Kariyerê sehneyî serra 2019î de Îstanbul de da dest pêkerdene û binê banê TuzBiberî de kayê stand-upî kerdî. Kovaranê mîzehî de nuşteyî nuştî û bi serîya podkastî ya bi nameyê “Deniz Göktaş’a Ayıracak Vaktim Yok” resa goşdaroxanê zafan.
Hetê pîyî ra keyeyêko dêrsimij yê Zaza ra yeno
Kokê keyeyê Deniz Göktaşî hetê dadîye ra şino Çorum, hetê pîyî ra zî Dêrsim. Göktaşo ke hetê pîyî ra mensûbê keyeyêko dêrsimij yê zaza yo, semtê Tuzluçayırî yê Anqara de sey domanê keyeyê karker-memuran pîl bi. Çimeyanê sosyolojîk û sîyasîyan keno têmiyanê mîzehê sîyayî; kayanê xo de vîrardişanê qijîya xo û kulturê dormeyê ke tede pîl bîyo ra zî îstîfade keno.
Pê kayê “Ölü Deniz”î ame tepiştene
Derheqê Göktaşî de, îfadeyê ke kayê stand-upî yê bi nameyê “Ölü Deniz”î yo ke 24ê hezîrana 2026î de YouTube de neşr kerd tede bîy bîy behane û tehqîqat ame dest pêkerdene. Çarçewaya tehqîqatî de Göktaş ame tepiştene û prosesê mehkemekerdişê ey dewam keno