Komala Kultur û Hunerî ya Amargî ke qezaya Sûrîye ya Amede de falîyet rayra bera, nîmeyê şewe de hetê polîsna ra ameye sereştene.
Komele de bê xeberdayîşê îdarekaranê komele cigêrayîşa ame kerdene. Dîya zanayene ke polîsan kilîtê berê komele bedilna û kilît xo dir berd Mudirîya Şûbeyê TEMî.
Îdareyê komele ke saetanê serê sibayî de sereşti ferq kerd, no sey binpaykerdişê heqan name kerd û vat ê do derheqê nê qewimîyayîşan de pêhesnayîşê sûcî bikerê.
