Emserr oncîya hetê xêlê dezgeh û komelan (Kardeş Derneleri) ra Festîvalê Kulturê Elewîyanê Berlînî yê 2îne organîzeyê bî. Nê dezgeh û komelan ra jû kî Înstîtutê Ziwan û Kulturê Kirmancî bî.
Festîvalê Kulturê Elewîyanê Berlînî yo ke hetê xêlê dezgeh û komelan ra organîze bîbî, vizerî (05.09.2026) saete 13:00 de, edi parqa verê Cematê Dêrsimî de dest pêkerd.
Programê festîvalî bi qese kerdena serekanê komelan, bi qese kerdena sîyasetmedaran, bi mûzîk û bi govende hêyanî saete 22:00 de dewam kerd.
Ma, Înstîtutê Ziwan û Kulturê Kirmancî kî emserr rêyna standê xo kerd ya. Standê ma re aleqeyêde zaf rinde bîyê. Xêlê nas, dost û sîyasetmedaran standê ma zîyaret kerd. Standê ma kî bi veng û rengê ma bî. Yane heto jû de kibabê kirmanckî, heto jû de werdê mayê Kirmancîye bî.
Gorê serra parî emserr hîna zêde însanî yane bi hezaran milet amay bî. Meydanê festîvalî de hama hama ca nêmand bî. Hênî aseno ke serre bi serre aleqa miletî bena zêde. No kî çîyêde rindo.
Sipasîye;
Ked û emegê kam ke nê organîzeyê ma de vêrd ra ma Îdarekerdoxê Înstîtutî, serêde endamanê ma re, kedkaranê gruba Vengê Ma re û pêro nas, dost û hevalanê xoyê hêcayan re zere û can ra zaf sipas kenîme, wa dest û payê înan weş bê…
Înstîtutê Ziwan û Kulturê Kirmancî
Berlin, 06.09.2026
