Hedîse dewa Görcanî ya qezaya Mêzgêrî de ameye meydan. Goreyê agahîyanê ke ameyî girewtene, axorê heywandar Zülfü Keskinî de seba yew sebebo ke hîna nêzanyeno de adir vejîya. Vêşayîşê axorî ser o cayê hedîseyî rê ekîbê adirhewnakerdişî ameyî şawitene.
Mudaxeleya ekîban ra dima şewat ame hewnakerdene labelê 200 heywanê qijî yê ke axor de bîy vêşayî û merdî.
Ame musayene ke ekîbanê Mudurîyeta Ziraet û Daristanan a Qezaye gom de cigêrayîş viraşto û seba dîyayîşê sebebê vejyayîşê adirî tehqîqat ameyo destpêkerdene.
Kaynak: Zazakî News
