Dêrsim de nêzdîyê 50 pezkovîyî ke Yewîya Pawitişê Xoza ya Dinya (IUCN) gore “Lîsteya Sure” de yê û binê tehlikeyê qedîyayîşî de yê, wexto ke kişta rayîrî de werd gêrayêne ameyî dîyene.
Dewa Aktuluk ya ke girêdayeyê merkezê Dêrsimî ya, dîmenanê rengînan rê mêymanîye kerde. Qefleyêkê pezkovîyan ke tede 50 pezkovîyî estbî, rayîr de rastê welatîyan ameyî.
Welatîyanê ke herême ra vîyartêne, bi kamerayanê telefonanê xo ê qeyd kerdî. Dîmenan de aseno ke bizê koyî warê cuye yê xozayî de werdê xo wenê.
Pezkovîyî, lîsteya Yewîya Pawitişê Xoza ya Dinya (IUCN) de yê û “Lîsteya Sure” de ca gênê, seydkerdişê înan qedexe yo.