ZAZAKÎ NEWS - 21ê Gucige (Sibate) Roja Ziwanê Dayîke ya Mîyanneteweyî, Dêrsim de bi çalakîyêka taybete ya ke tede şîîr û edebîyat estê, yena fîrazkerdiş.
Platformê Şubeyanê Konfederasyona Sendîkayanê Kedkaranê Kamuyî (KESK) yê Dêrsimî, seba wayîrvejîyayîşê ziwanî, şaîr û nuştoxan ano pêser. Çalakîya ke do 21ê Gucige (roja Şemeyî) bêra viraştene, bi vengdayîşê "Bêrê ma pîya vengê zonê xo bi şaîranê xo berz bikerê" amey îlankerdene.
Şaîr û Nuştoxê ke do beşdar bibê
Panel û çalakîye de şaîr û nuştoxê ke kedkarê ziwanê Zazakî yê, do qisey bikerê û şîîranê xo vajê. Nameyê beşdaran wina yê:
Bedrîye Topaç (Şaîre û Nuştoxe)
Îdrîs Yazar (Şaîr û Nuştox)
Akin Yanardağ (Şaîr)
Moderatorîya bernameyî zî do hetê Şahîn Karabutî ra bêra kerdene.
Çalakîye, 21ê Gucige de saete 17:00 de Salona Odeya Tîcaretî ya Dêrsimî (Tunceli Ticaret Odası) de do bêra viraştene. KESKê Dêrsimî pêro şar û heskerdoxanê ziwanî dawetê panelî kerd. Panel bi şîarê “"Zonê ma kamîya ma! Zonê ma îtîqadê ma! Zonê ma estbîyayîşê ma!" viraz3yeno
