Pezkovîyê ke Dêrsim de bimbarek ê û seydwanîya înan qedexe ya, her ke şino hîna zaf yenê merkezê qezayan.
Saetanê şewdirî de, Cadeyê Xarpêtî ser o pezkovî ameyî parkê kayî yê domanan. Wexto ke qijî (domanî) mekteb de bîy û park sakîn bi, bizan no xo rê kerd firsend û park de dest bi çerayîşî kerd.
Pezkovî ke bi çimê meraqînî dorme temaşe kerdêne, eleqeyê welatîyan ant. Welatîyan, bi telefonanê xo yê destî resmê pezkovîyan girewtî.