Par qezaya Dêrsimî Pêrtage de Doktoro Pakîstanij gerreyê 52 cinîyan ser o bi îdîaya tacîzî amebi tepiştiş û erzîyabi hepisxane.
Doktoro tacîzkar İsmail Hakim (53) badê pey serbest ame veradayîş.
Semedo ke çend gerreyî peyser ameyî girewtiş, doktoro tacîzkar o Pakîstanij newe ra agêra gureyê xo ser û Pêrtage de dest bi wazîfeyê xo yê doktorîye kerd.
Naye ser o endamê Platformê Cinîyan yê Dêrsimî ameyê verê nêweşxaneyo ke İsmail Hakim tede gure keno de û çalakî viraşt. Cinîyan va; "Ma pêrtage de doktoro tacîzkar nêwazenê."
Heto bîn ra Platformê Sesî yê Dêrsimî zî beyanatêk da çapemenî. Hemsereka Platformê Sesî yê Dêrsimî Serap Kahraman beyanat wend û va " Merdimo wînayên senî do nêweşan tedawî biko. No mêrik tacîzkar o. Gere nê gureyî nêkero. Ma cinî naye qebûl nêkenê."
