ZAZAKÎ NEWS - Amed de tarifeyê heqê komresîye nê rojan de bibi sebebê munaqeşeyî, peynî de qerar ame girewtiş. Tarifeyê taksîyan 90 lîra ra vejîya 115 lîra, heqê mînîbusî bi 25 lîra, heqê otobusanê beledîye û otobusanê şarî yê xususî zî 15 lîra ra vejîya 20 lîra.
Merkezê Koordînasyonê Komresîye yê Beledîya Bajarê Girdî yê Amedî (UKOME), waştişê zêdekerdişê heqê komresîye ser ewro reya çarine wayîrê kooperatîfan dir kombîyayîş kerd. Şoferê taksî û otobusê şarî yê xususî, vayê akaryakitî û malîyetanê berzan bahane kerdbî û % 50 zêdekerdiş waştbî.
La kombîyayîşo ke virazîyayêne, hîrê rey ameybî taloqkerdiş.
Peynîya qiseykerdişanê ewroyî de waştişê zêdekerdişî qenûl bi. Qerarê ke UKOMEyî dayo, tarifeyi wîna eşkere bî:
Weniştişê taksî yê destpêkî (indi-bindi), 90 lîra ra vejîya 115 lîra.
Weniştişê bi pere (naktî), 20 lîra ra bi 25.
Weniştişê bi kartî yê otobusanê beledîye û otobusanê şarî yê xususî de, 15 lîra ra vejîya 20 lîra.
Weniştişê wendekaran yo bi kartî, 8 lîra ra vejîya 10 lîra.
