Şaredarîya Erxenî reya verêne emser Rojê Kitaban organîze kena. Mîyanê çalakîyanê Rojê Kitaban de vizêr Salona Bînayê Konfansî ya Şaredarîya Pîranî de yew semînerê zazakî ame dayîş .
Semîner bi nameyê "Edebîyatê Klasîkî yê Zazakî û Mela Huseynê Dilbe" bi. Semînerî de nuştoxan ra Bilal Zîlan û Mehmet Şah Aslan ca girewtê. Her di nuştoxî na babete ser o qisey kerdê û edebîyatê zazakî de ca û rolê Mela Huseynê Dilbe ser o qisey kerdê.
@bilalzilan2 , Rojê Kîtaban ê Erxenî de Edebîyatê Klasîk ê Zazakî ra Beytay Eşqî ya Mela Mehemedê Nêribî û Diwano Nêmcetê Merdîmînî ra şiîrê Dima Mekur wendî.
— Zazakî News (@zazaki_news) May 3, 2025
🎥@AliFuadAZAD pic.twitter.com/l0lCtKjgeK
Heto bîn ra Weşanxaneyê Roşna zî Erxenî de standê xo akerdo û wayîrê weşanxaneyî Roşan uca Lezgîn yew bi yew mêmama dir eleqedar beno.
Goreyo ke ame zanayîş standê Roşna rê eleqe pîl o û xeylê kesî şinê uca de hem Roşan Lezgînî dir sohbet kenê hem zî xo rê kitabanê Zazakî erînenê.
