ZAZAKÎ NEWS - Sopranoya Kurde ya namdare Pervîn Chakar, Amed de do perwerdeyêko "masterclass" ê muzîkî bido. Perwerdeyo ke do di rojî dewam biko, 10-11ê Îlone de Merkezê Kultur û Kongreyî yê Çand Amedî de virazîyo.
Ame eşkerakerdiş ke seba perwerdeyî, 10 ciwanê bitesîrî yê ke mabênê 18 û 30 serran de yê, do bêrê weçînitiş.
Ê ciwanî do 2 rojî Chakar ra perwerdeyê şanî yo xusûsî (yew bi yew) bigîrê û peynîya bernameyî de, aye reyde do vejîyê sehneyî ser û konserêk bidê.
Muraacat Hetanî 1ê Îlone yo
Tarîxê muracatî yo peyên 1ê Îlona 2025î yo. Namzedî ganî qeydanê vîdeoyan ê ke tede en kemî di berheman vanê, bişawê adresê [email protected]î rê. Berheman ra yew zî ganî bi Kurdkî (Kurmanckî/Zazakî) bo.
Seba agahîyanê hîrayêran, muracatkerî eşkenê xo biresnê na hûmare: 0 542 307 57 53.
Sopranoya Kurde na mijdane hesabê xo yê medyaya sosyale ser o pare kerdbi û ardibi ziwan ke no xeyalêko aye bi.
