ZAZAKÎ NEWS - Enstîtuya Ziwananê Cuyayeyan a Unîversîteya Çolîgî, semey serra perwerdeyî ya 2025-2026î ya Demê Payîzî, semey programanê Lîsansê Berzî yê bitezî û Doktora, Beşê Ziwan û Edebîyatê Zazakî rê wendekaran gêna. Muracatî 21ê Tebaxe de dest pêkerdê.
Unîversîteya Çolîgî bi îlanêk eşkera kerd ke Enstîtuya Ziwanan ê Cuyenan do semey Beşê Ziwan û Edebîyatê Zazakî kontenjanê neweyan yê lîsansê berzî û doktora abikero.
Goreyê îlanî, seemey serra perwerdeyî ya 2025-2026î ya Demê Payîzî, pêro pîya semey welatîyanê TC 12 û semey welatîyanê xerîban zî 25 wendekarî do bêrê girewtiş.
Kontenjanê ke ameyê eşkerakerdiş nê yê:
Lîsanso berz (Bitez): 6 welatijê TC, 10 welatijê xerîbî.
Şert: Gerek mezunê Beşê Ziwan û Edebîyatê Zazakî bê.
Lîsanso berz (Bitez): 4 welatijê TC, 10 welatijê xerîbî.
Şert: Mezunê her yew programê lîsansî eşkeno muracat bikero. Semey wendekaran îmtîhanê ziwanê çimeyî do bêro viraştiş û kewtişê nê îmtîhanî mecbûrî yo.
Doktora: 2 welatijê TC, 5 welatijê xerîbî.
Şert: Gerek warê Zazakî de lîsansê berzî yê bitezî temam kerde bo.
Tarîxê muhîmî yê muracat û îmtîhanan:
Destpêkerdişê muracatî: 21ê Tebaxa 2025
Qedîyayîşê muracatî: 1ê Êlula 2025 (Seat 16:00)
Îmtîhanê zanayîşî (Lîsanso Berz û Doktora): 3ê Êlula 2025 (Seat 10:00)
Eşkerakerdişê netîceyan: 5ê Êlula 2025 (Seat 17:00 ra dima)
Qeydê namzedanê Esîlan: 10-12ê Êlula 2025
Qeydê namzedanê Yedekan: 15-16ê Êlula 2025
Wendekarê ke wazenê muracat bikerê, gerek hetanî tarîxê peyênî mutacatê xo unîversîte rê bikerê.
Semey hîna zaf malumat
