Hemserekê HDPyî yê verênî Fîgene Yuksekdag û Selahattîn Demîrtaş zî tede 18ê ci tepişteyî 108 kesî dewa de yenê muhakamekerdene.
Hemserekê DBPyî Çîgdem Kiliçgun Uçar û Keskîn Bayindir, Hemserekê DEM Partî Tulaye Hatîmogullari û Tuncer Bakirhan, Serekwekîlê Koma CHPyî Alî Mahîr Başarir û xeylê temsîlkar û endamê partîyan û dezgehan roniştişî teqîb kerd. 200 avûkat û 10 baroyî zî tewrê roniştişî bîyî.
Derheqê 108 sîyasetmedaran de bi îdîaya 'xerakerdişê yewîya dewlete' û îdîayanê bînan 'cezaya muebede ya girankerde'amey waştiş.
Qet yew sîyasetmedar nêame mehkema.
Wexto ke mehkema qerar ame wendiş, avukatê tepişteyan salona mehkema ra vejîyayê û qerarê mehkema protesto kerd.
Nameyê tay sîyasetmedaranê tepişteyan wina yê:
“Fîgen Yuksekdag, Selahattîn Demîrtaş, Alî Urkut, Gunay Kûbîlay, Nazmî Gur, Îsmaîl Şengul, Bulent Parmaksiz, Alp Altinors, Sebahat Tûncel, Zeynep Karaman, Zeynep Olbecî, Aynûr Aşan, Ayşe Yagci, Ayla Akat Ata, Dîlek Yagli, Pervî Odûncû, Meryem Adibellî, Gultan Kişanak.''
Hemserekê HDP yo verîn Selahattin Demîraş 23 serrî cezaya hepisxaneyî girewt.
Hemsereka HDP ya verîne Fîgen Yuksektağ zî 19 serrî ceza girewt.
Gultan Kışanak, Ayla Ata Akat, Aysel Tuğluk, Gülser Yıldırım, Altan Tan û Alyahn Bîlgen zî ameyî tehlîyekerdiş.
Goreyê ney;
Ahmet Turk: “endamtiya rêxistine” 10 serrî cezaya hepisxaneyî.
Alî Urkut: 16 serrî cezaya hepisxaneyî.
Alp Altinors: 18 serrî cezaya hepisxaneyî
Altan Tan: Beraet.
Ayhan Bîlgen: Beraet.
Ayla Akat Ata: Tehliye.
Aysel Tugluk: Beraet.
Ayşe Yagci: Tehliye.
Bulent Parmaksiz: 16 serrî cezaya hepisxaneyî.
Dîlek Yagli: 16 18 serrî cezaya hepisxaneyî.
Beyza Ustun:Beraet.
Fîgen Yuksekdag: 19 serrî cezaya hepisxaneyî
Gultan Kişanak: Tehliye.
Gunay Kubîlay: 16 serrî cezaya hepisxaneyî
Îsmaîl Şengul: 16 serrî cezaya hepisxaneyî
Mesut Bagcik: Tehlîye.
Nazmî Gur: 18 serrî cezaya hepisxaneyî
Pervîn Oduncu: 18 serrî cezaya hepisxaneyî.
Sebahat Tuncel: Tehliye.
Selahattîn Demîrtaş: 23 serrî cezaya hepisxaneyî.
