Hemşaredarê Bajarê Girdî yê Dîyarbekirî Dogan Hatunî aşkere ke qeyûman zaf zirar dayo warê kultur, ziwan û hunerî. Hîrê awanîyan ra teber çîyêk nêverdayo.
Qirkerdişê kultur, ziwan û hunerî
Hemşaredar Dogan Hatunî zî wina dewam kerd; "Qeyyûman hetê psîkolojîyî ra bigîrê hetê ziwan, kultur, hunerî û ekonomî ra zî zaf zirar dayo nê şariştanî. Ma deynê înan pêro îzah kerdî. Nê, hetê zirarê huner kultur û ziwanî de zaf bêqîmet ê. Polîtîkayê qeyyûman tena seba talankerdişî nîyo, hetê huner, kultur û ziwanî de zî qirkerdişêk bî. Se ra newayê xebatê înan wina bî."
Her çîyî şaredarî rotî
Hatunî ard ziwan ke qeyyûman çîyêk nêverdayo ke xîzmetê şarî biko û wina dewam kerd, "Awanîya Xîzmetî, Awanîya DISKÎ û Merkezê Kulturî yê Sezaî Karakoçî ra vêşêr çîyêk nêverdoyo û roto û nika bê bînaya Şaredarî û bînaya DÎSKÎ çîke nêmendo. Hatunî îfade kerd ke komîsyonê înan ê hûqûqû semedo ke mal û milkê şaredarî ke dewr bîyê û ameyê rotiş peyser bigîrê xebatan kenê.
