Serekkomarê Tirkîya Recep Tayyîp Erdogan tayê wezîr û parlamenteranê partîya xo reyde kom bî û îlan kerd ke ê pawenê ke PKK çekan rono.
Rojnamegera Milliyetî Ayşe Kahvecîglu kombîyayîşê Erdoganî yo bi wezîran reyde ser o malumat dayî.
Ame zanayene ke kombîyayîş Merkezê Pêroyî yê AK Partî de ameyo viraştene.
Rojnameger Kahvecîoglu îlan kerd ke Erdoganî, kombîyayîş de prosesê newe yê çareserkerdişî ser o zanayiş û hişyarî dayî wezîr û tayê parlamenteran.
Vera ma de prosesêko asan çin o
Goreyê Ayşe Kahvecîoglu, Erdoganî parlamenteran rê vato, "Ma hemê astengî vîyarnayî. Ma pawenê ke PKK meşte-bîro çekan rono û xo fesix bikero.
Badê ey do prosesêko newe, dewrêko newe seba ma heminan dest pê bikero. Vera ma de prosesêko asan çin o. Nê meseleyî de bawerîya mi bi şima esta.Ma bawer kenê ke no do wextêko nêzdî de bêro ca. Eger rêxistin wazîfeyê xo ca nîyaro, ma do têkoşîna vera terorî hîna zêdêr bikerê."
