Rêxistina Amedî ya DEM Partî seba Sirri Sureyya Onderî mewlid da.
Endamê Heyetê Îmraliyî yê DEM Partîyî Sirri Sureyya Onder 18 rojan ra pey 3ê gulane de nêweşxaneyo ke tede tedawî dîyîne de şibi heqîya xo ser. Dem Partî xeylê şaristanan de awanîyanê xo de seba Sirri Sureyya Onderî tezîye ronayîbî.
Tezîyeya Amedî ke nê 3 rojî yo ke dewam kena, bi dayîşê mewlidî qedîyaye. Mewlidî de endam û rayberê DEM Partî, DBP’yî, partîyê sîyasî, Dayîkê Aştî, aktîvîstê TJA’yî, hemşaredarê qezayanê Amedî, rêxistinê sîvîl û xeylê welatijî amade bîyê.
Mewlid vernîya awanîya DEM Partî ame dayene. Fotografê Sirri Sureyya ameyê aliqnayene. Seba Sirri Sureyya Onderî dua û fatîha ameyê wendene û loqim û helwa ameye vilakerdene.
Dayîşê mewlidî ra pey tezîye qedîyaye.
