Odaya Sanayî û Bazirganî ya Dîyarbekirî (DTSO) Erxenî de nîmeyê Koyê Meqamî de des hezar leyekî nayê ro. Proje bi hetkarîya Merkezê Zanayîşî yê Yewîya Ewropayî dîyaya dest pêkerdiş.
Serekê DTSOyî Mehmet Kaya, Endamê Meclîsî yê DTSOyî, Midûrê Xebitnayîşê Daristanî yê Dîyarbekirî Davut Ayzit û xeylê wendekarî program de ca girewtî. Serekê DTSOyî Mehmet Kayayî verê ronayîşê leyekan qiseykerdişêk kerd û va; "Tebîet bê daran nêbeno. Ma verê cû zî Silîvan, Pasûr, Hezro û Licê de 40 hezar darê fistiqan naybî ro."
Mehmet Kayayî dewamê qiseykerdişê xo de da zanayîş ke înan semedo ke Erxenî de des hezar heb daran ronê ameyî tîya û wîna va: " Ma pê Erxenî de ronayîşê des hezar daran dest bi xebata xo kerd. Koyê Meqamî semedê bajarê ma, semedê turîstan cayêko muhîm o. Êyê ke do tîya zîyaret bikê binê versîyaya nê daran de boya xo verdê. Ma do meşte-bîro cayanê bînan de zî nê xebatanê xo rê dewam bikê.”
