ZAZAKÎ NEWS - Amedsporî bîşew bi netîceyê 7-0î Adana Demîrspor bin vist. Enes Yilmaz o 15 serre, deqîqeya 87. de dekewt kay û bi "kaykerdoxo tewr cîwan ê na sezone".
Deqîqeya 87. de Enes Yilmaz, herinda Murat Uçarî de kewt kay û rekorêk şikit. Futbolwano ke hema 15 serre yo, hewa verêne bi hawayêko profesyonel kay kerd, bi kaykerdoxo tewr cîwan o ke na sezone kay kerdo.
Pêro demanê Lîga 1. de zî, Enes Yilmaz bîyo kaykerdoxo tewr cîwan o çarin ke vejîyayo seha.
Teknîk Dîrektorê Amedsporî Sînan Kalogluyî zî dima maçî pesnê futbolwanê cîwanî da û va:
“Ma waşt ke şansê forma bidê Enesî. O do pîl bibo, aver şêro û bixebitîyo. Goreyê mi hedîseya şewe ya tewr bimana na bî.”