Rayberîya Federasyonê Elewîyan yê Demokratîkan (FEDA), Federasyonê Yewîyanê Dêrsimî yê Demokratîkan yê Ewropa (ADEF) û Kongreya Înşayî ya Dêrsimî (DİK) de; xebatê 16inê Festîvalê Kulturî yê Dêrsimî yê Ewropa ke do tarîxê 5-6ê hezîrana 2026î de Frankfurt de bêro viraştiş, dewam kenê.
Dêrsimijî û sazgehê Elewîyan ê ke welatanê cîyayan yê Ewropa de ciwîyenê, yew het ra xebatanê xo zêde kenê ke festîval bi yew tewrbîyayîşo gird vîyaro; heto bîn ra zî înan venga welatijan zî da ke wa wayîrê festîvalî bivejîyê.
Emser zî festîvalo ke seba pawitişê tarîx, kultur, ziwan, bawerî û vîrê komelkî yê Dêrsimî yeno viraştiş, do bi hezaran dêrsimijê ewropayijî û dostanê înan bîyaro têhet.
Çarçeweya festîvalî de yeno pawitiş ke, do aktîvîteyê kulturkîyî, panelî, qiseykerdişî, konserî û xeylê bernameyê hunerkî zî ca bigîrê.
