ZAZAKÎ NEWS - Parlamenterê Agirî yê Partîya Demokrasî û Têduştîye ya Şaran (DEM Partî) Sirri Sakikî qiseykerdişê xo yê parlamento de, bale ante tarîxê se serrî yê dejê Kurdan ê her çar perçeyanê Kurdistanî ser. Sakikî nîşan kerd ke 38 serrî verî Başûrê Kurdistanî de hetê Saddam Huseyînî ra mîyanê hîrê serran de qasê 200 hezar Kurdî ameyî qirkerdiş.
Sakikî eşkerayîya xo de wina va: "Tirkîya senî jenosîdê Bosna û Fîlîstînî nas kena, ganî bi eynî hawa nêzdîyê dejê şarê Kurdî zî biba. Vîzêr mi yew teklîfê qanûnî amade kerd û da parlamento. Ganî no parlamento qetlîamê vera birayanê ma sey jenosîd bivîno."
Sakikî bale ante muhîmîya ciwîyayîşê hemparî ser û wina dewam kerd: "Eke qerar o bo ke ma pîya biciwîyê û pîya yew heq û huquq awan bikerê, ganî dejê Kurdan bibo dejê nê parlamentoyî zî."